კომენტარი

დღესაც უამრავი რესურსია ბიუჯეტში, რათა გადასახადებმა დაიწიოს და მაღალი ეკონომიკური ზრდა გვქონდეს - ზურაბ ჭიაბერაშვილი

საპარლამენტო უმცირესობა მთავრობის სტრუქტურულ ცვლილებებს მხარს არ უჭერს.

როგორც საპარლამენტო უმცირესობის წევრმა, ზურაბ ჭიაბერაშვილმა განაცხადა, წარდგენილი ცვლილებები მცირე მთავრობის ძირითად კონცეფციას არ პასუხობს და ხარჯების დაზოგვას არ უზრუნველყოფს.

„სამწუხაროდ, მამუკა ბახტაძის მთავრობას არ წარმოუდგენია კონკრეტული გათვლები, როგორ უნდა შემცირდეს მთავრობის ზომა. ჩვენ, „ევროპულ საქართველოში” კი, მიგვაჩნია რომ დღესაც უამრავი რესურსია ბიუჯეტში, რათა გადასახადებმა დაიწიოს და მაღალი ეკონომიკური ზრდა გვქონდეს, მეორე მხრივ კი, ბიუჯეტში პენსიის წელსვე 50 ლარით გასაზრდელად თანხები გამოინახოს“, – განაცხადა ზურაბ ჭიაბერაშვილმა.

მთავრობის სტრუქტურულ ცვლილებებთან დაკავშირებით საკანონმდებლო პაკეტს საპარლამენტო კომიტეტები დღეს განიხილავენ. ცვლილებების თანახმად, მთავრობის სტრუქტურაში 14-დან 10 სამინისტრო და ერთი სახელმწიფო მინისტრის აპარატი დარჩება.