კომენტარი

დემოგრაფიული მაჩვენებლების გაუარესების მიზეზები სიღარიბის ზრდაში უნდა ვეძიოთ - ზურაბ ჭიაბერაშვილი

„ევროპული საქართველოს“ ერთ-ერთი ლიდერი, ზურაბ ჭიაბერაშვილი „საქსტატის“ მიერ საქართველოს დემოგრაფიულ მაჩვენებლთან დაკავშირებით გამოქვეყნებულ ინფორმაციას გამოეხმაურა.

მისი თქმით, დემოგრაფიული მაჩვენებლების გაუარესების მიზეზები სიღარიბის ზრდაში უნდა ვეძიოთ, რაც ბოლო წლების ეკონომიკურ სტაგნაციას და ცხოვრების მნიშვნელოვნად გაძვირებას მოჰყვა.

„2017 წელს საქართველოში ბოლო 11 წლის განმავლობაში ყველაზე დაბალი ბუნებრივი მატება დაფიქსირდა. ეს ინფორმაცია „საქსტატის“ მიერ გამოქვეყნებულ საქართველოს დემოგრაფიული მაჩვენებლების ამსახველ ბიულეტენში დაფიქსირდა. ეს იმის გამოა, რომ ბოლო 10 წლის განმავლობაში ყველაზე დაბალია შობადობის მაჩვენებელი. ასევე, იმის მიუხედავად, რომ სიკვდილიანობამ იკლო, 2008 და 2009 წელს უფრო დაბალი იყო სიკვდილიანობა, ვიდრე დღესაა“, - ნათქვამია „ევროპული საქართველოს“ მიერ გავრცელებულ ინფორმაციაში.