კომენტარი

დეკანოზის საქმეზე სასამართლო პროცესები სრულად არ უნდა დაიხუროს - უჩა ნანუაშვილი

სახალხო დამცველის, უჩა ნანუაშვილის განცხადებით, მაღალი საზოგადოებრივი ინტერესებიდან გამომდინარე, დეკანოზის საქმეზე სასამართლო პროცესები სრულად არ უნდა დაიხუროს.

მისივე თქმით, პროცესების დახურვა კიდევ უფრო მეტ კითხვის ნიშანს აჩენს საზოგადოებაში.

„მიგვაჩნია, რომ იმ მაღალი საზოგადოებრივი ინტერესიდან გამომდინარე, რომელიც ამ საქმესთან დაკავშირებით არსებობს, მხოლოდ ცალკეული სხდომები შესაძლოა დაიხუროს და არა მთლიანი საქმის განხილვა. ასეთი დახურვა, შეიძლება ითქვას, კიდევ უფრო მეტ კითხვის ნიშანს იწვევს საზოგადოებაში და ვფიქრობ, არავის ინტერესებში არ უნდა შედიოდეს ამ საქმის სრულად დახურვა, მათ შორის, არც გამოძიების და მართლმსაჯულების", - განაცხადა ნანუაშვილმა.

შეგახსენებთ, რომ დეკანოზის საქმის განხილვა საქალაქო სასამართლოში რამდენიმე დღის წინ დაიწყო.

მოსამართლემ პროკურატურის შუამდგომლობა დააკმაყოფილა და ყველა სასამართლო სხდომა დახურულ რეჟიმში ჩატარდება.

აღნიშნულ გადაწყვეტილებას სამოქალაქო სექტორის წარმომადგენლები და ოპოზოციციური პარტიები აპროტესტებენ.