კომენტარი

დავტოვოთ ეს ყველაფერი სამართლებრივ ჭრილში და პატივი ვცეთ სისტემას - ირაკლი კობახიძე

საქართველოს პარლამენტის თავმჯდომარე ირაკლი კობახიძე „თიბისი ბანკის“ საქმეზე დროებითი საგამოძიებო კომისიის შექმნის საფუძველს ვერ ხედავს.

მისი თქმით, საკითხი უნდა დარჩეს სამართლებრივ ჩარჩოში და საგამოძიებო ორგანოებს მიეცეთ დრო, საქმე სათანადოდ გამოიძიონ.

„მოდით, ნუ მივცემთ პოლიტიკურ დატვირთვას იმ საკითხს, რომელიც უნდა იყოს სამართლებრივ ჩარჩოში განხილული. საგამოძიებო კომისიაც არის მცდელობა გადაიტანონ გარკვეულმა ძალებმა ეს საკითხი პოლიტიკურ ჭრილში. დავტოვოთ ეს ყველაფერი სამართლებრივ ჭრილში და პატივი ვცეთ სისტემას,“- აცხადებს კობახიძე.

ამასთან, პარლამენტის სპიკერის თქმით, კანონის დარღვევის შემთხვევაში, პოლიტიკა ან ბიზნესი ინდულგენცია ვერავისთვის იქნება.

„ბუნებრივია, ვერც პოლიტიკა და ვერც ბიზნესი ვერ იქნება ინდულგენცია ვერავისთვის, თუ სამართალი არის დარღვეული. ამიტომ ეს სამართლებრივ ჩარჩოში უნდა განვიხილოთ. სამართლებრივი ორგანოები ყველაფერს გამოიკვლევენ. ყველას ექნება დაკვირვების, ჩართვის საშუალება და ძალიან გამჭვირვალედ გადაწყდება ეს საკითხი“, – განაცხადა ირაკლი კობახიძემ.