მსოფლიო

დავით სააკაშვილი უკრაინაში მარტიდან უკანონოდ იმყოფებოდა- უკრაინის შსს

უკრაინის შინაგან საქმეთა სამინისტროს კომუნიკაციების დეპარტამენტის ხელმძღვანელის არტიომ შევჩენკოს თქმით, ეროვნული პოლიციის თანამშრომლებმა დავით სააკაშვილი სამიგრაციო სამსახურში იმიტომ მიიყვანეს, რომ ის ქვეყანაში უკანონოდ იმყოფება.

ამის შესახებ შევჩენკომ Интерфакс-Украина-ს განუცხადა.

„არ დაგვიკავებია. უბრალოდ კიევის ეროვნულმა პოლიციამ სამიგრაციო სამსახურში საქართველოს მოქალაქის მიყვანა უზრუნველყო. სამიგრაციო სამსახურმა დავით სააკაშვილს უკრაინაში ცხოვრების უფლება ჯერ კიდევ 2017 წლის მარტში გაუუქმა, მანამდე კი იგივე დასაქმების სამსახურმა გააკეთა. ჯერ კიდევ მაშინ, უცხო ქვეყნის მოქალაქე სათანადოდ იყო ინფორმირებული იმის შესახებ, რომ უკრინაში ყოფნის საფუძველი არ გააჩნდა. თუმცა მან კანონმდებლობით გათვალისწინებულ ვადაში ჩვენი ქვეყნის ტერიტორია არ დატოვა და ქვეყანაში უკანონოდ იმყოფებოდა“,-აღნიშნა შევჩენკომ.

მისი თქმით, „მიღებული იქნება გადაწყვეტილება მისი ნებისმიერ ქვეყანაში, სადაც ის მოისურვებს, გაგზავნაზე და ასევე ადმინისტრაციული ჯარიმის დაკისრებაზე“.

მონიკა დავლიანიძე