კომენტარი

დავით ნარმანია იყო დიდი გაუგებრობა, როგორც მერი - გია ხუხაშვილი

ექსპერტი პოლიტიკის საკითხებში გია ხუხაშვილი გამოეხმაურა პრეზიდენტის მიერ სემეკ-ის წევრის ვაკანტურ თანამდებობაზე დავით ნარმანიას კანდიდატურის წარდგენის ფაქტს.

“შემიძლია ვივარაუდო, რომ ნარმანიას კანდიდატურასთან დაკავშირებით პრეზიდენტსა და მთავრობას შორის გარკვეული შეთანხმება მოხდა. მე ასეთი ტიპის შეთანხმებას უფრო პოზიტიურად შევხედავდი, ვიდრე ნეგატიურად, რომ არ იყოს ის რამდენიმე წელი, რომელიც უაზრო კინკლაობაში დაიკარგა. რაც შეეხება ნარმანიას კანდიტატურას, ის იყო დიდი გაუგებრობა, როგორც მერი, ხოლო, როგორც სემეკ-ის თანამშრომელი, ის შეიძლება შესაფერისი იყოს, რადგან საკმაოდ კვალიფიციური ეკონომისტია”, – განაცხადა გია ხუხაშვილმა.

ცნობისათვის, საქართველოს პრეზიდენტმა, სემეკ-ის წევრის ვაკანტურ თანამდებობაზე თბილისის ყოფილი მერის, დავით ნარმანიას კანდიდატურა წარადგინა. როგორც პრეზიდენტის ადმინისტრაციაში განმარტეს, მისი წარდგენა გიორგი მარგველაშვილს მთავრობისგან ეთხოვა.

ნინო ექვთიმიშვილი