კომენტარი

დავით ნარმანია 2017 წლის ბიუჯეტში სამარცხვინოდ ამცირებს 30 მილიონ ლარს სოციალური დაცვის კუთხით - თამაზ შოშიაშვილი

თბილისის საკრებულოს ფრაქცია ნაციონალური მოძრაობის წევრის, თამაზ შოშიაშვილის განცხადებით, დედაქალაქის 2017 წლის ბიუჯეტი, „46 624 000 ლარით მცირდება, მაშინ როდესაც ცენტრალური ბიუჯეტი იზრდება“.

როგორც შოშიაშვილი საკითხის კომენტირებისა პრესკონფერენციაზე განაცხადა, მომავალი წლის ბიუჯეტი აბსოლუტურად არ პასუხობს იმ გამოწვევებს, რომელიც თბილისის მოსახლეობის წინაშე დგას.

„ორი მთავარი პრიორიტეტი, რომელიც ყველა გამოკითხივით, ყველა სოციალური კვლევით სახელდება დედაქალის მოსახლეობის უმთავრეს პრობლემად, ეს გახლავთ, დედაქალაქში გადაადგილება, გახშირებული და გამუდმებული საცობები და სოციალური დაცვა. ამ კუთხით დავით ნარმანია სამარცხვინოდ ამცირებს 30 მილიონ ლარს სოციალური დაცვის კუთხით და არაფერს არ აკეთებს, რომ დედაქალაქის მოსახლეობამ, თბილისელებმა, შეძლონ თავის ქალაქში ნორმალურად გადაადგილება. ეს არის კატასტროფული მაჩვენებელი“,-აღნიშნა შოშიაშვილმა.

შესაბამისად, მისი თქმით, ნაციონალური მოძრაობა ბიუჯეტს მხარს არ დაუჭერს.

თბილისის, საკრებულომ 2017 წლის ბიუჯეტი 25 დეკემბრამდე უნდა დაამტკიცოს.

მონიკა დავლიანიძე