კომენტარი

დავარწმუნეთ ჩვენი თურქი კოლეგები,რომ საქართველოში მოსწავლეებს იდეოლოგიური ზეწოლა არ ემუქრება-ალექსანდრე ჯეჯელავა

ვიცე-პრემიერის, განათლებისა და მეცნიერების მინისტრის, ალექსანდრე ჯეჯელავას, განცხადებით, ქართულმა მხარემ თურქი კოლეგები დაარწმუნა, რომ საქართველოში მდებარე სკოლებში მოსწავლეებს არაფერი ემუქრებათ, მათ შორის, არც მათზე იდეოლოგიური ზეწოლის მოხდენის ჩათვლით.

ამის შესახებ ჯეჯელავამ მთავრობის სხდომის დასრულების შემდეგ, დემირელის სკოლის მენეჯერის მუსტაფა ემრი ჩაბუკის დაკავების საკითხის კომენტირებისას განაცხადა, რომელსაც თურქეთი ტერორისტულ ორგანიზაციასთან კავშირში ადანაშაულებს.

„არ მგონია, რომ ამ ადამიანის დაკავებამ დემირელის სკოლას პრობლემები შეუქმნას. არ ვთვლი, რომ ასე მოხდება. თურქული მხარე გამოხატავს თავის წუხილს, მათი კვალიფიკაციით, ტერორისტული ორგანიზაციის შესაძლო კავშირების შესახებ საგანმანათლებლო სისტემაში. ჩვენ თავიდანვე დავარწმუნეთ ჩვენი კოლეგები, რომ ყველაფერს ვაკეთებ და გავაკეთებთ მომავლშიც, რომ ჩვენს მოსწავლეებს ნებისმიერ სკოლაში, ამ სკოლაში და სხვა სკოლებშიც, არაფერი დაემუქროთ, მათ შორის არანაირი იდეოლოგიური ზეწოლა მათზე არ იყოს“,-აღნიშნა მინისტრმა.

მუსტაფა ემრი ჩაბუკს, დღეს, თბილისის საქალაქო სასამართლომ 3-თვიანი საექსტრადაციო პატიმრობა შეუფარდა.

მონიკა დავლიანიძე