მსოფლიო

დავაფასე კოლუმბიის პრეზიდენტის ზარი და ტონი და მოუთმენლად ველოდები მასთან შეხვედრას უახლოეს მომავალში - დონალდ ტრამპი

ამერიკის შეერთებული შტატების პრეზიდენტმა, დონალდ ტრამპმა კოლუმბიის პრეზიდენტი თეთრ სახლში მიიწვია. ამის შესახებ ინფორმაციას თავად აშშ-ის პრეზიდენტი ავრცელებს.

„დიდი პატივი იყო კოლუმბიის პრეზიდენტთან, გუსტავო პეტროსთან საუბარი, რომელმაც დამირეკა, რათა აეხსნა ნარკოტიკებთან დაკავშირებული ვითარება და სხვა უთანხმოებები, რაც ჩვენს შორის არსებობდა. დავაფასე მისი ზარი და ტონი და მოუთმენლად ველოდები მასთან შეხვედრას უახლოეს მომავალში. შეთანხმებების მომზადება მიმდინარეობს სახელმწიფო მდივან მარკო რუბიოსა და კოლუმბიის საგარეო საქმეთა მინისტრს შორის. შეხვედრა გაიმართება ვაშინგტონში, თეთრ სახლში,“- წერს ტრამპი.

ცნობისთვის, ვენესუელაში ოპერაციის შემდეგ აშშ-ის პრეზიდენტმა, დონალდ ტრამპმა კოლუმბიის პრეზიდენტს, გუსტავო პეტროს „ავადმყოფი კაცი“ უწოდა და კოლუმბიაში სამხედრო ოპერაციის ჩატარება არ გამორიცხა.

„ოპერაცია „კოლუმბია“ ჩემთვის კარგად ჟღერს“, - აღნიშნა ტრამპმა.