კომენტარი

დაცვის მხარეს რეალურად არ აქვს უფლება დაიცვას თავი, ეს არის გამოძიების სერიოზული პრობლემა - უჩა ნანუაშვილი

მნიშვნელოვანია დაცვის მხარეს მაქსიმალურად მოკლე დროში მიეცეს შესაძლებლობა, ისაუბროს იმ დეტალებზე, რომელიც საქმეშია, - განუცხადა ჟურნალისტებს სახალხო დამცველმა ე.წ. ციანიდის საქმეზე საუბრისას.

„მიმაჩნია, რომ ეს თანასწორუფლებიანობა უნდა იყოს მაქსიმალურად მოკლე ვადაში უზრუნველყოფილი, რაც არ ხორციელდებოდა და ეს არის ყველაზე დიდი პრობლემა, კითხვის ნიშნები არის და ამაზე ალბათ გამოძიების პერიოდში საზოგადოებას ექნება შესაძლებლობა ინფორმაცია მიიღოს.

ჩვენ სპეციალური განცხადებაც გავავრცელეთ, სადაც ვითხოვდით, რომ დაცვის მხარეს გაუუქმდეს ის ხელწერილი, რომელიც გაუთქმელობასთან დაკავშირებით არის გაფორმებული, მით უმეტეს იმ ფონზე, როდესაც ბრალდების მხარე, მათ შორის პირდაპირი ეთერის გამოყენებით, საჯარო განცხადებებით რეალურად იყენებს იმ უფლებამოსილებას, რომელიც მას გააჩნია. ყველა მხარე საუბრობს დეტალებზე საქმის, მათ შორის შინაარსობრივ მომენტებზე და სამწუხაროდ, დაცვის მხარეს რეალურად არ აქვს უფლება, დაიცვას თავი, დაიცვას ბრალდებული. მე ვფიქრობ, ეს არის გამოძიების სერიოზული პრობლემა “- განაცხადა უჩა ნანუაშვილმა.

ნინო ექვთიმიშვილი