მსოფლიო

დასავლეთ ევროპაში ქარიშხალ „ელეონორას“ სამი ადამიანი ემსხვერპლა

ქარიშხალ „ელეონორას“, რომელიც ოთხშაბათს დასავლკეთ ევროპას დაატყდა თავს, პირველი მსხვერპლი მოჰყვა. ორი ადამიანი დაიღუპა ესპანეთის ჩრდილოეთით, ბასკეთის სანაპიროზე. წყვილი უზარმაზარმა ტალღამ შთანთქა. მესამე ადამიანის გადარჩენა მოხერხდა. ის ცდილობდა, წყვილს შეშველებოდა.

საფრანგეთში 21 წლის მოთხილამურე ემსხვერპლა ქარიშხალს. მას ხე დაეცა ალპებში. მთელი საფრანგეთის მასშტაბით დაშავებულია 15 ადამიანი, აქედან 4-ის მდგომარეობა მძიმეა.

„ელეონორას“ გამო შეფერხებულია მატარებლების მომსახურება და ავტომაგისტრალებზე მოძრაობა საფრანგეთის რამდენიმე რეგიონში. ქვეყნის მასშტაბით 225 000 სახლი ელექტროენერგიის გარეშე დარჩა.

ანა მებურიშვილი