კომენტარი

დარწმუნებული ვარ, რომ გიორგი კვირიკაშვილთან მომდევნო 4 წლის განმავლობაში ვიმუშავებ - ირაკლი კობახიძე

პარლამენტის თავმჯდომარე ირაკლი კობახიძე დარწმუნებულია, რომ მომდევნო 4 წლის განმავლობაში მას გიორგი კვირიკაშვილის მთავრობასთან მოუწევს მუშაობა.

ამასთან, პარლამენტის თავმჯდომარემ აღნიშნა, რომ მთავრობის შემადგენლობაში გარკვეული ცვლილებები შესაძლოა განხორციელდეს.

ამის შესახებ ირაკლი კობახიძემ „ტვ პირველის“ ეთერში ჟურნალისტის მიერ დასმული კითხვის საპასუხოდ განაცხადა, რომლის მიხედვით, არის თუ არა დარწმუნებული კობახიძე, რომ მომავალი 4 წლის, ან თუნდაც მომდევნო წლის განმავლობაში მას პრემიერ კვირიკაშვილთან მოუწევს მუშაობა, რადგან, ჟურნალისტის თქმით, ექსპერტები პროგნოზირებენ, რომ გიორგი კვირიკაშვილი შესაძლოა მთავრობის მიერ შემუშავებულ ეკონომიკურ რეფორმას გადაყვეს.

„ამაში მე აბსოლუტურად დარწმუნებული ვარ. მთავრობის შემადგენლობას რაც შეეხება, გარკვეული ცვლილებები შეიძლება მოხდეს, ასეთი გამოცდილება გვაქვს ბუნებრივია, როდესაც საქმე ეხება 4-წლიან პერიოდს. რაც შეეხება პრემიერ-მინისტრს და სამთავრობო ბირთვს, დარწმუნებული ვარ, რომ ჩვენ ვიმუშავებთ პრემიერ კვირიკაშვილთან ერთად ძალიან აქტიურად და იმ სამთავრობო გუნდთან, რომელიც დღეს არის წარმოდგენილი. კიდევ ერთხელ ვიტყვი, რომ ამ გუნდს აქვს ძალიან მკაფიო ხედვა ჩვენი ქვეყნის განვითარების, მათ შორის ეკონომიკური განვითარების და მე დარწმუნებული ვარ, რომ ეს გუნდი იქნება ძალიან წარმატებული მომდევნო ოთხი წლის განმავლობაში“,-აღნიშნა პარლამენტის თავმჯდომარემ.

მონიკა დავლიანიძე