მსოფლიო

დანით შეიარაღებული პირი „Эхо Москвы“-ის რედაქციაში შეიჭრა და ერთი ჟურნალისტი ყელში დაჭრა

რუსეთში დანით შეიარაღებული მამაკაცი რადიოსადგურ „Эхо Москвы“-ის რედაქციაში შეიჭრა. ინტერფაქსის ინფორმაციით, ყელში დაჭრეს მთავარი რედაქტორის მოადგილე ტატიანა ფელგენგაუერი. ჟურნალისტი სკლიფოსოვსკის სახელობის კლინიკაშია გადაყვანილი. მისი მდგომარეობა სტაბილიურად მძიმეა.

პოლიციის ინფორმაციით, თავდასხმელი 48 წლის ბორის გრიცი აღმოჩნდა და ის უცხო ქვეყნის მოქალაქეა.

„დადასტურებულია, რომ ბოროტმოქმედი უცხო ქვეყნის მოქალაქეა. წინასწარი მონაცემებით, მომხდარის მიზეზი პირადი მიუღებლობა გახდა“, - განაცხადეს პოლიციაში.

საქმე აღძრულია „მკვლელობის მცდელობის“ მუხლით.

რადიოსადგურ „Эхо Москвы“-ის მთავარი რედაქტორი ალექსეი ვენედიქტოვი აპირებს, მიმართოს „გაზპრომ-მედია“ ჰოლდინგს რედაქციაში უსაფრთხოების ზომების გაძლიერების მოთხოვნით.

ანა მებურიშვილი