კომენტარი

დამრჩა შთაბეჭდილება, რომ უბრალოდ ანაკლიის პორტის პროექტის განადგურებაა მიზანი - გია ხუხაშვილი

ფოთის პორტის განცხადების შემდეგ, მე დამრჩა შთაბეჭდილება, რომ უბრალოდ ანაკლიის პორტის პროექტის განადგურებაა მიზანი, -აცხადებას პოლიტოლოგი, გია ხუხაშვილი TBC ბანკის ირგვლივ განვითარებულ მოვლენების შეფასებისას.

გია ხუხაშვილი არ გამორიცხავს, რომ ხაზარაძის წინააღმდეგ დაწყებული კამპანია ანაკლიის პორტს უკავშირდებოდეს.

„ალბათ ეს იყო ანაკლიის პორტი, ეს იყო კვირიკაშვილის ზედმეტი თავნებობა და ასე შემდეგ. მიზეზი ყოველთვის მოიძებნება თუ სურვილი არსებობს,“ - ამბობს ხუხაშვილი.

„ანაკლიის პორტის პროექტი უკვე სერიოზული კითხვის ნიშნის ქვეშ დგას იმიტომ, რომ ის ჯერ არ არის დაკონტრაქტებული, წინასაკონტრაქტო პერიოდია და ყველაფერი შეიძლება ჩაიშალოს. წარმოიდგინეთ, რომ თქვენ ცოლის მოყვანას აპირებთ, ქორწილის დღე დანიშნეთ და წინა დღეს გეუბნებიან, რომ თქვენი ცოლი არის პორნოვარსკვლავი, ხომ შეიძლება დაფრთხეთ? ასე შეიძლება დაემართოთ იმ პოტენციურ ინვესტორებს,“ - განაცხადა ხუხაშვილმა.

მისივე თქმით, ბოლო პერიოდში ფოთის პორტის საკითხი გააქტიურდა და არ არის გამორიცხული, რომ ფოთში ღრმაწყლოვანი პორტის მშენებლობის პროექტის გამო, ანაკლიის პორტის პროექტი ჩავარდეს.

„მენიშნა დღევანდელი განცხადება ფოთის პორტის, გააქტიურდა ფოთის პორტი და რაღაც ღრმაწყლოვანზე დაიწყო საუბარი, ეს არ არის შემთხვევითი და ფოთის პორტის განცხადების შემდეგ, მე დამრჩა შთაბეჭდილება, რომ უბრალოდ ანაკლიის პორტის პროექტის განადგურებაა მიზანი,“ - განაცხადა ხუხაშვილმა.