კომენტარი

დახურული სხდომის ოქმი არავისთვის გადამიცია - ბესიკ ბუგიანიშვილი

ე.წ. ციანიდს საქმის მოსამართლის, ბესიკ ბუგიანიშვილის თქმით, მას დახურული სხდომის ოქმი არავისთვის გადაუცია.

როგორც მოსამართლემ ჟურნალისტებს პროკურატურიდან გამოსვლის შემდეგ განუცხადა, აღნიშნულ ოქმზე წვდომა მხოლოდ მას, მდივანს, დაცვისა და ბრალდების მხარეს ჰქონდა.

„დამიბარეს პროკურატურის წარმომადგენლებმა. პატივს ვცემ სახელმწიფო ინსტიტუტებს, შესაბამისად, გამოვცხადდი სათანადო დროს, სათანადო ადგილზე და გავეცი ყველა დასმულ შეკითხვას პასუხი. კითხვები იყო იმასთან დაკავშირებით, გადავეცი თუ არა ვინმეს დახურული სასამართლო სხდომის ოქმები. არ გადამიცია სხდომის ოქმი არავისთვის, ეს გამოძიებამ უნდა გაარკვიოს.

დახურული სხდომის ოქმთან წვდომა ჰქონდა მოსამართლეს, სხდომის მდივანს, დაცვისა და ბრალდების მხარეს. მესამე პირისთვის გადაცემას მოახდენდა ან მოსამართლე, ან მდივანი, ან დაცვა, ან ბრალდების მხარე. მე დასამალი არაფერი მქონდა, მივეცი ჩვენება, რომ არაფერი გადამიცია. რა თქმა უნდა რაც მოხდა, ეს კანონდარღვევაა“,-აღნიშნა ე.წ ციანიდს საქმის მოსამართლემ.

ბესიკ ბუგიანიშვილი და სხდომის მდივანი თბილისის პროკურატურაში ე.წ. ციანიდის საქმის მასალების მედიაში გავრცელების ფაქტზე დაწყებული გამოძიების ფარგლებში გამოიკითხა.

მონიკა დავლიანიძე