მსოფლიო

დადგება აუცილებლობა მოგვარდეს ბატონი სააკაშვილის მიერ საქართველოს კანონმდებლობის დარღვევის საკითხები- უკრაინის ვიცე-პრემიერი

უკრაინის ვიცე-პრემიერის ივანა კლიმპუშ-ცინცაძის თქმით, მას შემდეგ რაც უკრაინაში მოგვარდება მიხიელ სააკაშვილის მიერ უკრაინის კანონადარღვევასთან დაკავშირებული საკითხები, დადგება აუცილებლობა, რომ ანალოგიურად საქართველოშიც მოგვარდეს კანონდარღვევის საკითხები.

„პრეზიდენტმა ეს სიტუაცია უკვე შეაფასა და მოითხოვს, რომ პასუხი კანონის ფარგლებში იყოს გაცემული, რადგან ეს იყო უკრაინის საერთაშორისო საზღვრის დარღვევა. მე იმედი მაქვს, რომ ჩვენი სამსახურები, რომლებსაც მსგავსი უკანონოებისთვის წინააღმდეგობის გაწევა ევალება, დაკავდებიან ამით.

ასევე მინდა შევახსენო ქართველ მაყურებელს, თუკი გვადევნებენ თვალს, რომ საქართველოს სახელმწიფომ ასევე მიმართა უკრაინის ხელისუფლებას, უკრაინის ყოფილი გუბერნატორის და საქართველოს ყოფილი პრეზიდენტის ექსტრადიციის მოთხოვნით. დარწმუნებული ვარ, რომ მას შედეგ, რაც უკრაინაში კანონდარღვევის თემა დარეგულირდება, ასევე დადგება აუცილებლობა მოგვარდეს საქართველოს კანონმდებლობის დარღვევასთან დაკავშირებული საკითხები, ბატონი სააკაშვილისთვის“,-აღნიშნა კლიმპუშ-ცინცაძემ, რომლის განცხადების თარგმანს რუსთავი2 ავრცელებს.

მონიკა დავლიანიძე