მსოფლიო

ჩვენმა მეგობრებმა იციან, რომ მათ შეუძლიათ აშშ-ის იმედი ჰქონდეთ - ნიკი ჰეილი

აშშ-ის მუდმივი წარმომადგენელი გაეროში ნიკი ჰეილი გამოეხმაურა აშშ-ის პრეზიდენტის, დონალდ ტრამპის პირველ ყოველწლიურ სიტყვით გამოსვლას კონგრესში.

„დღეს პრეზიდენტმა გარკვევით განაცხადა, რომ ამერიკა კვლავ ლიდერია. ჩვენ ვიცით, რომ ჩვენი ქვეყანა გაცილებით ძლიერია მაშინ, როდესაც მკაფიო გადაწყვეტილებებს ვიღებთ, რაც, უპირველეს ყოვლისა, ამერიკელების უსაფრთხოებას უზრუნველყოფს“, -თქვა ჰეილიმ.

გაეროში აშშ-ის ელჩმა ასევე აღნიშნა, რომ „პირველად, დიდი ხნის განმავლობაში, ჩვენმა მეგობრებმა იციან, რომ მათ შეუძლიათ აშშ-ის იმედი ჰქონდეთ, ხოლო ჩვენმა მტრებმა კი იციან, რომ გასაქანს არ მივცემთ, აშშ-ის ინტერესს საფრთხე შეუქმნან“.

ჰეილის მტკიცებით, ამერიკისთვის ახალი დღე დადგა.