კომენტარი

ჩვენი ოპონენტები მოითხოვენ, დავტოვოთ ქვეყანა სატრანზიტო გადასახადისა და ფაქტობრივად გაზის გარეშე - გია ვოლსკი

ჩვენი ოპონენტები მოითხოვენ შევაჩეროთ ხელშეკრულება და დავტოვოთ ქვეყანა სატრანზიტო გადასახადისა და ფაქტობრივად, გაზის გარეშე, - განუცხადა ჟურნალისტებს საპარლამენტო უმრავლესობის წევრმა, გია ვოლსკიმ გაზპრომთან მიღწეულ შეთანხმებასთან დაკავშირებით დებატების გამართვის საკითხზე ოპონენტების მიერ გაკეთებულ განცხადებებზე კომენტირებისას.

„არსებობს ჩვენი საზოგადოების შეცდომაში შეყვანის მცდელობა. ვფიქრობ, ამასთან დაკავშირებით სურათი მკაფიოა. ჩვენი ოპონენტები მოითხოვენ შევაჩეროთ ხელშეკრულება და დავტოვოთ ქვეყანა სატრანზიტო გადასახადისა და ფაქტობრივად, გაზის გარეშე“, - განაცხადა ვოლსკიმ.

რაც შეეხება ოპოზიციის მოთხოვნას, რომ ენერგეტიკის მინისტრი კახა კალაძე პარლამენტში მივიდეს, გია ვოლსკის თქმით, აღნიშნული საკითხი რეგლამენტის მიხედვით იქნება გადაწყვეტილი.

ცნობისათვის: საპარლამენტო უმცირესობა „გაზპრომის“ თემასთან დაკავშირებით პოლიტიკური დებატების გამართვას საგაზაფხულო სესიის პირველივე დღეს, 8 თებერვალს მოითხოვს. საპარლამენტო უმცირესობის ერთ-ერთი ლიდერის, სერგო რატიანის ინფორმაციით, შესაბამისი განცხადება პარლამენტში დღეს დაარეგისტრირეს.

ნინო ექვთიმიშვილ