კომენტარი

ჩვენი გუნდის ერთ-ერთი მინუსი იყო ის, რომ შესაბამისად ვერ მიგვქონდა ინფორმაცია მოსახლეობამდე - კახა კალაძე

ჩვენი მთავრობის ერთ-ერთი მინუსი ასევე იყო ის, რომ ჩვენ შესაბამისად ვერ მიგვქონდა ინფორმაცია მოსახლეობამდე, - განაცხადა თბილისის მერმა კახა კალაძემ "საერთაშორისო გამჭვირვალობა - საქართველოს" მიერ გამოქვეყნებული კვლევის შესახებ დასმული კითხვის საპასუხოდ.

"არ მინახავს დასკვნა, ან რაზე დაყრდნობით აქვს გაკეთებული, არც ის ვიცი, ამიტომ გამიჭირდება შეფასების გაკეთება. ზოგადად, ყოველთვის ვამბობდი და ახლაც გავიმეორებ, რომ ჩვენი გუნდის, მთავრობის ერთ-ერთი მინუსი ასევე იყო ის, რომ ჩვენ შესაბამისად ვერ მიგვქონდა ინფორმაცია მოსახლეობამდე, არ იყო ისეთი კომუნიკაცია, რომ მიგვეწოდებინა ინფორმაცია გაკეთებულ თუ განსახორციელებელ პროექტებთან დაკავშირებით. ამის პრობლემა იდგა. შესაბამისად, გამიჭირდება შეფასების გაკეთება, რადგან არ ვიცი, რაზე დაყრდნობითაა ეს კვლევა გაკეთებული, რა ციფრებია მოცემული და ა.შ. ", - განაცხადა კალაძემ.

ცნობისათვის, საერთაშორისო გამჭვირვალობა - საქართველოს კვლევის თანახმად, საჯარო უწყებების პრესსამსახურებში დასაქმებულ თანამშრომელთა და მათი ანაზღაურების ოდენობა, „ქართული ოცნების“ ხელისუფლებაში მოსვლის შემდეგ, მკვეთრად გაიზარდა.