კომენტარი

ჩვენ უნდა დროზე მივიღოთ კონკრეტული გადაწყვეტილება და ფული უნდა გამოვანთავისუფლოთ -ვასილ მაღლაფერიძე

საზოგადოებრივი მაუწყებლის გენერალური დირექტორის ვასილ მაღლაფერიძის განცხადებით, სასწრაფოდ არის მისაღები კონკრეტული გადაწყვეტილება.

ამის შესახებ მაღლაფერიძემ სამეურვეო საბჭოსთან გამართული შეხვედრის შემდეგ მედიას განუცხადა.

„ჩვენ უნდა დროზე მივიღოთ კონკრეტული გადაყწყვეტილება და უნდა ვიცოდეთ, ტელევიზია რა მიმართულებით განვითარდება. ისევ გიმეორებთ, ჩვენ სასწრაფოდ გვჭირდება შენობის საკითხის გადაჭრა, სასწრაფოდ გვჭირდება ტექნიკური გადაიარაღება, ამას სჭირდება ტენდერები და ეს ყველაფერი, რომ დავიწყოთ, ამას ყველაფერს სჭირდება ფული და ფული უნდა გამოვანთავისუფლოთ“,-განაცხადა მაღლაფერიძემ.

ვასილ მაღლაფერიძემ საზოგადოებრივი მაუწყებლის სამწლიანი რეფორმის გეგმის წარდგენისას განაცხადა, რომ რეორგანიზაციის ფარგლებში მაუწყებელზე არსებული ყველა გადაცემა, „მოამბის“ გარდა, უნდა დაიხუროს, თუმცა დღეს გახდა ცნობილი, რომ გადაცემების რეიტინგის შესწავლის შედეგად მხოლოდ დაბალრეიტინგიანი გადაცემები დაიხურება.

საზოგადოებრივ მაუწყებელში დარჩება გადაცემები: "გამომძიებელი რეპორტიორი", "გურმანი", "ფერმა", "ჰოპლა! ჩვენ ვცოცხლობთ", "შაბათს საღამოს ლიზასთან", "წიგნების თარო", "ტელებლოგი", "პირადი ექიმი", "სიტყვების თამაში", "გააგრძელე საქართველოს ისტორია", "დოკუმენტური ფილმების სტუდია", "ეპოქა", "დღე მუზეუმში", "რადიო თავისუფლება - ინტერview".

მაგრამ არხზე აღარ იქნება გადაცემები, რომლებიც, მენეჯმენტის თქმით, მაყურებლის მიგრაციას იწვევს. ესენია: "ხანმოკლე XX საუკუნე", "ეკონომეტრი", "ვაშინგტონი დღეს", "სპორტი 360 გრადუსი", „მთავარი", "რეალური სივრცე", "ვექტორი", "სპორტის დაფა", "რადიო თავისუფლება - წითელი ზონა", "ტელემანი", "კაცების დრო", "ც სტუდია", "უცნობი მუსიკა".

მონიკა დავლიანიძე