მსოფლიო

ჩვენ უნდა დავიბრუნოთ ერევანი - ილჰამ ალიევი

აზერბაიჯანის პრეზიდენტის, ილჰამ ალიევის განცხადებით, აზერბაიჯანმა ერევანი უნდა დაიბრუნოს.

„ერევანი ჩვენი ისტორიული მიწაა და ჩვენ, აზერბაიჯანლებმა უნდა დავიბრუნოთ ეს მიწები. ეს ჩვენი პოლიტიკური და სტრატეგიული მიზანია და ჩვენ ეტაპობრივად უნდა დავუახლოვდეთ მას“, -თქვა ალიევმა მმართველი პარტიის შეკრებაზე.

აზერბაიჯანის პრეზიდენტმა აღნიშნა, რომ მათი პოლიტიკა ისტორიულ მიწებზე იქნება ორიენტირებული.

„მინდა აღვნიშნო, რომ ჩვენ არ უნდა დავივიწყოთ ჩვენი ისტორიული მიწები. მომავალში ეს უნდა იყოს ჩვენი მოღვაწეობის ერთ-ერთი მიმართულება. ჩვენი ისტორიული მიწებია ერევნის სახანო, ზენგეზური, გეიჩე - ამის შესახებ ჩვენმა ახალგარდა თაობამ, მთელმა მსოფლიომ უნდა იცოდეს“, -თქვა ალიევმა.

მანამდე მმართველმა პარტიამ ილჰამ ალიევი თავისი პრეზიდენტობის კანდიდატად წარადგინეს. რიგგარეშე საპრეზიდენტო არცევნები აზერბაიჯანში 11 აპრილს გაიმართება.