კომენტარი

ჩვენ წლები მოგვიწევს აზიურ ფაროსანასთან ბრძოლა - ლევან დავითაშვილი

ფაროსანა არის მნიშვნელოვანი გამოწვევა ჩვენი სოფლის მეურნეობისთვის, - განაცხადა სოფლის მეურნეობის მინისტრმა, ლევან დავითაშვილმა აზიურ მავნებელ ფაროსანას წინააღმდეგ ბრძოლის შესახებ საუბრისას.

მინისტრის თქმით, ფაროსანასთან ბრძოლას წლები დასჭირდება და აუცილებელია, ფერმერებამდე ინფორმაციის სწორად მიტანა და მათი ჩართულობა მავნებლის წინააღმდეგ.

“სამეგრელოში საკმაოდ კარგი მოსავალი გვაქვს, ასევე გურიაში მიმდინარეობს მოსავლის აღება. ჩვენ წლები მოგვიწევს ამ მავნებელთან ბრძოლა, მაგრამ საბოლოოდ, ამ ბრძოლის ნაწილში ჩვენ გამოვალთ გამარჯვებულები.

ასევე უნდა აღინიშნოს, რომ გვაქვს ციტრუსოვანი კულტურები და იქაც გვაქვს თავი დასაცავი ამ მავნებლისგან. შესაბამისად, სამინისტრომ მთელი რიგი ღონისძიებები დაგეგმა წლის დასაწყისიდან იმ დრომდე, ვიდრე მავნებელი მიეცემა ძილს. მათ შორის, ხდება სპეციალური პრეპარატების დარიგება რეგიონებში. მნიშვნელოვანი კომპონენტია ფერმერებთან ცოდნის მიტანა”, - განაცხადა ლევან დავითაშვილმა.

ნინო ექვთიმიშვილი