მსოფლიო

ჩვენ არ ვცდილობთ ბირთვული იარაღის მოპოვებას, ჩვენ ეს არაერთხელ განვაცხადეთ და მზად ვართ ნებისმიერი შემოწმებისთვის - მასუდ ფეზეშქიანი

ირანის პრეზიდენტი მასუდ ფეზეშქიანი აცხადებს, რომ ქვეყანა მზადაა ბირთვული პროგრამის ნებისმიერი შემოწმებისთვის, თუმცა „გადაჭარბებულ მოთხოვნებს არ დაემორჩილება“.

„ჩვენ არ ვცდილობთ ბირთვული იარაღის მოპოვებას. ჩვენ ეს არაერთხელ განვაცხადეთ და მზად ვართ ნებისმიერი შემოწმებისთვის“, – განაცხადა ფეზეშქიანმა.

ამასთან, ირანის პრეზიდენტის თქმით, ის არ დაემორჩილება გადაჭარბებულ მოთხოვნებს ამ საკითხთან დაკავშირებით, მას შემდეგ რაც ირანმა აშშ-სთან მოლაპარაკებები განაახლა.

„ირანი არ დაემორჩილება მათ გადაჭარბებულ მოთხოვნებს. ჩვენი ქვეყანა არ დახრის თავს აგრესიის წინაშე, მაგრამ ჩვენ მთელი ძალით ვაგრძელებთ დიალოგს მეზობელ ქვეყნებთან, რათა რეგიონში მშვიდობა და სტაბილურობა დამყარდეს“, – განაცხადა ფეზეშქიანმა.