მსოფლიო

ჩემთვის მნიშვნელობა არ აქვს ვინ არღვევს საზღვარს მებრძოლები აღმოსავლეთით თუ პოლიტიკანები დასავლეთით -პეტრო პოროშენკო

უკრაინის პრეზიდენტის, პეტრო პოროშენკოს განცხადებით, მისთვის არ აქვს მნიშვნელობა ვინ არღვევს უკრაინის საზღვარს მებრძოლები აღმოსავლეთით თუ პოლიტიკანები დასავლეთით, ნენისმიერ მათგანს უნდა დაეკისროს მკაფიო სამართლებრივი და იურდიული პასუხისმგებლობა.

ამის შესახებ პოროშენკომ პრესკონფერენციაზე მიხიელ სააკაშვილის საკითხის კომენტირებისას განაცხადა.

„ინციდენტი, რომელიც გუშინ უკრაინის საზღვარზე, „შეგინის“ გამშვებ პუნქტთან მოხდა, არანაირ პოლიტიკურ კომენტარს არ საჭიროებს, მაგრამ უნდა გავაკეთოთ კომენტარი სამართლებრივი კუთხით. 26 ივლისს გამოვეცი ბრძანება, რომლითაც სახელმწიფო საემიგრაციო სამსახურის მიერ წარმოდგენილი დოკუმენტაციის საფუძველზე, მიხეილ სააკაშვილს შეუჩერდა უკრაინის მოქალაქეობა, ამ დოკუმენტაციაში წარმოდგენილი იყო გაყალბებული ინფორმაცია. პრეზიდენტს ასეთ დროს სხვა გადაწყვეტილების მიღება არ შეუძლია. ყველა ქვეყანაში, პირს აქვს უფლება გაასაჩივროს სასამართლოში ნებისმიერი ნორმატიული აქტი. მე როგორც პრეზიდენტი, რა თქმა უნდა, სასამართლოს ნებისმიერ გადაწყვეტილებას შევასრულებ. თვენახევარი გავიდა, მაგრამ სასამართლოსთვის არავის მიუმართავს, ამის ნაცვლად ჩადენილია დანაშაული," - განაცხადა პეტრო პოროშენკომ.

ჩემთვის მნიშვნელობა არ აქვს, ვინ არღვევს საზღვარს - მებრძოლები აღმოსავლეთით თუ პოლიტიკანები დასავლეთით. უნდა დაეკისროს მკაფიო სამართლებრივი და იურდიული პასუხისმგებლობა. იმედი მაქვს, ეს ბატონი ისეთივე შეუპოვრობით შეიჭრება საქართველოში, როგორითაც უკრაინაში მოხვედრას ცდილობდა," - განაცხადა პოროშენკომ.

მონიკა დავლიანიძე