კომენტარი

ჩემთვის ძალიან დასანანი და მტკივნეულია ჩვენი უმრავლესობის ამ ფორმით დაშლა - თეა წულუკიანი

ჩემთვის ძალიან დასანანი და მტკივნეულია ჩვენი უმრავლესობის ამ ფორმით დაშლა, – ამის შესახებ საქართველოს იუსტიციის მინისტრმა, თეა წულუკიანმა თემაზე კომენტარისას ჟურნალისტებს განუცხადა.

„იმედი მაქვს, რომ ეს იქნება ბოლო დანაკლისი ჩვენი გუნდისთვის. ერთობა ძნელად საშენებელია, ამიტომ მას ერთად უნდა მოვუფრთხილდეთ“,- განაცხადა თეა წულუკიანმა.

დეპუტატებმა ეკა ბესელიამ, გედევან ფოფხაძემ და ლევან გოგიჩაიშვილმა საპარლამენტო უმრავლესობა დატოვეს. დეპუტატები პარტია „ქართულ ოცნებაში“ აღარ ირიცხებიან.

ამასთან, საპარლამენტო უმრავლესობაში შემავალი ფრაქცია „სოციალ-დემოკრატები“ დატოვა ბექა ნაცვლიშვილმა. ფრაქცია „სოციალ-დემოკრატების“ დატოვებას აპირებენ მირიან წიკლაური, კობა ნარჩემაშვილი, გია ჟორჟოლიანი და რუსლან პოღოსიანი.