კომენტარი

ჩემ მიმართ გამოთქმული ფრაზები არის აბსურდული და არასერიოზული - დიმიტრი ქუმსიშვილი

საქართველოს ეკონომიკის მინისტრი დიმიტრი ქუმსიშვილი კომპანია ”ბადაგონის” საქმეზე მის მიმართ გამოთქმულ ბრალდებებს უსაფუძვლოს უწოდებს.

დიმიტრი ქუმსიშვილი „ბადაგონის“ დირექტორის, გიორგი სალაყაიას ადვოკატის, ზაზა ხატიაშვილის განცხადებას გამოეხმაურა იმის შესახებ, რომ კომპანიაში საგამოძიებო სამსახურის შესვლა კონკრეტული პირების ინტერესებში შედის, რომელთაც ხელს მთავრობა უწყობს.

ჟურანლისტებთან თემის კომენტირებისას, ქუმსიშვილმა აღნიშნა, რომ აბსურდულია ამ საქმეზე მთავრობის მიმართ ბრალდებები.

,,ჩემ მიმართ გამოთქმული ფრაზები არის აბსურდული და არასერიოზული. ბრალდებების შინაარსი მდგომარეობს იმაში, რომ იმ პერიოდში, როდესაც ვიყავი ფინანსთა მინისტრი, სამინისტროს საგამოძიებო სამსახურში შევიდა განცხადება, რაც არის აბსოლუტურად არასერიოზული და მე ამაზე კომენტარს არ გავაკეთებ. რაც ეხება ზოგად ფრაზას მთავრობასთან მიმართებაში, ამაზეც ანალოგიური დამოკიდებულება მაქვს. ჩვენ ვართ მთავრობა, რომელმაც ამ ქვეყანაში საკუთრების უფლებას დაუბრუნა ფასი და ჩვენ ვართ მთავრობა, რომელმაც ბიზნესს მისცა თავისუფლება. რაც ეხება დისკრედიტაციის მცდელობას და შანტაჟს, მე ვარ აბსოლუტურად დარწმუნებული, რომ საგამოძიებო უწყებებს სიმართლის დადგენისთვის ასეთი ქმედებები ხელს ვერ შეუშლის,“ - განაცხადა ქუმსიშვილმა.

ნინო ექვთიმიშვილი