მსოფლიო

ჩეჩენი გეი ჩეჩენ ხალხს და მმართველ რამზან კადიროვს ბოდიშს უხდის

მოვსარ ესკერხანოვი, პირველი ჩეჩენია, რომელმაც ადგილობრივი ტელევიზიის ეთერში რამზან კადიროვს, აღიარებული ორიენტაციის გამო ბოდიში მოუხადა.

მისი თქმით, აღიარება დასავლელი ჟურნალისტების ზეწოლის შედეგად განახორციელა.

სექტემბრის ბოლოს Time-მა გამოაქვეყნა სტატია ჩეჩნეთის მკვიდრზე, რომელიც რამდენიმე წლის წინ გერმანიაში წავიდა და ლტოლვილის სტატუსის მიღებას ვერ ახერხებს. სტატიაზე მიმაგრებულ ვიდეოში მოვსარ ესკერხანოვი ამობს, რომ საკუთარი ისტორიით სურს ჩეჩენ გეებს დაეხმაროს და ყველას მოუწოდებს არაფრის შეეშინდეთ.

13 ნოემბერს კი, ჩეჩნურმა ტელეარხმა რეპორტაჟი დაანონსა, სადაც მოვსარ ესკერხანოვი ამტკიცებს, რომ Time-ის ჟურნალისტებმა ჩეჩენი ხალხის შეურაცხყოფა განიზრახეს.

მისივე თქმით, დასავლელი ჟურნალისტები თავად დაიბარა, რადგან მათ უთხრეს, რომ თითქოს გერმანიაში დოკუმენტების მიღებაში დაეხმარებოდნენ.

„მათ ჩეჩენი ხალხისა და მმართველის წინაშე შემარცხვინეს. ამიტომ, ბოდიშს ვუხდი ჩეჩენ ხალხს, ხელმძღვანელობას, იმ ჩეჩნებს, რომლებიც ჩრდილოეთ კავკასიასა და ევროპაში ცხოვრობენ“,-თქვა მოვსარ ესკერხანოვმა.

მონიკა დავლიანიძე