მსოფლიო

ბუნდესვერმა, შესაძლოა, თურქეთიდან სამხედროები გაიყვანოს

გერმანიის ბუნდესტაგის თავდაცვის კომიტეტის თავმჯდომარე ვოლფგანგ ხელმიხი მიიჩნევს,რომ თურქეთში განლაგებული ბუნდესვერის დანაყოფები უნდა იქნას გაყვანილი,- იტყობინება ТАСС.

აღნიშნული მოსაზრება უკავშირდება, თურქეთის ხელისუფლების იმ გადაწყვეტილებას, რომლის მიხედვით, გერმანელი პარლამენტარები ინჯირლიკის ავიაბაზაზე არ დაუშვეს.

“არავის მივცემთ ჩვენი დაშანტაჟების საშუალებას. ამიტომ, სამხედროების გაყვანის საკითხზე მსჯელობის დაწყება სწორი ნაბიჯი იქნება“,-განაცხადა პოლიტიკოსმა.

ბერლინში გამართულ ბრიფინგზე, გერმანიის საგარეო საქმეთა სამინისტროს წარმომადგენელმა, მარტინ შეფერმა, განაცხადა, რომ თუ ანკარა საკუთარ გადაწყვეტილებას არ შეცვლის, გერმანიიის მინისტრთა კაბინეტი ბუნდესვერის სამხედროების რეგიონის სხვა ქვეყნებში განთავსების შესაძლებლობას განიხილავს.

15 მაისს, თურქეთის ხელისუფლებამ ბუნდესტაგის დეპუტატებს ინჯირლიკის ავიაბაზის მონახულებაზე უარი განუცხადა.

გერმანულ მხარეს განუცხადეს, რომ თურქეთის სამხრეთით მდებარე ავიაბაზის მონახულება „ამჟამინდელ ვითარებაში უადგილოა“.

მონიკა დავლიანიძე