მსოფლიო

ბულგარეთის ვიცე-პრემიერმა რუსეთის პატრიარქს „КГБ-ის აგენტი“ და „რუსეთის სიგარეტის მიტროპოლიტი“ უწოდა

ბულგარეთის ვიცე-პრემიერმა ვალერი სიმეონოვმა ტელეარხ БНТ-ის ეთერში მოსკოვისა და რუსეთის პატრიარქს „КГБ-ის აგენტი“ და „რუსეთის სიგარეტის მიტროპოლიტი“ უწოდა. ასე გამოეხმაურა სიმეონოვი პატრიარქ კირილეს განცხადებას, რომ ის გულაცრუებულია მე-19 საუკუნის მეორე ნახევარში ბულგარეთის ოსმალური იმპერიისგან გათავისუფლების ახალი ინტერპრეტაციებით.

სიმეონოვის განმარტებით, რუსეთის პატრიარქია ჩართული ბულგარეთში სიგარეტების არალეგალურ იმპორტში.

„ეს არაა მართლმადიდებელი სასულიერო პირი. ის აგენტი მიხაილოვია, საბჭოთა КГБ -ის მეორეხარისხოვანი აგენტი“, -თქვა ბულგარეთის ვიცე-პრემიერმა.

რუსეთის მართლმადიდებლურმა ეკლესიამ უკმაყოფილება გამოთქვა ბულგარეთის პრეზიდენტის რუმენ რადევის გამოსვლის გამო ოსმალური იმპერიისგან 140-ე წლისთავზე. კირილეს შეფასებით, რადევმა სათანადოდ არ აღნიშნა რუსეთის ღვაწლი ოსმალურ იმპერიაზე გამარჯვებაში. რადევმა თავის გამოსვლაში იმ ერებს გადაუხადა მადლობა, ვისი წარმომადგენლები ირიცხებოდნენ რუსულ ჯარში, რომელმაც ბულგარეთი გაათავისუფლა: რუსებს, რუმინელებს, ფინელებს, უკრაინელებს, ბელორუსებს, პოლონელებს, ლატვიელებს, სერბებს, ჩერნოგორიელებს.

ბევრმა ბულგარელმა რუსეთის პატრიარქის განცხადების ტონი მიუღებლად მიიჩნია.