მსოფლიო

ბრიუსელში ლტოლვილთა მხარდასაჭერად მრავალათასიანი მსვლელობა მოეწყო

ბრიუსელში, ბელგიის საიმიგრაციო დეპარტამენტთან, სადაც 2015 წლის შემდეგ ლტოლვილის სტატუსის მისაღებად რიგში მდგომი მიგრანტების ბანაკია მოწყობილი, დაახლოებით 10 000-მა ადამიანმა მონაწილეობა მიიღო მსვლელობაში ბელგიის მთავრობის ანტისაიმიგრაციო პოლიტიკის წინააღმდეგ. შეკრებილებმა ხელისუფლებას მოუწოდეს უფრო ჰუმანური მიდგომისკენ.

დემონსტრანტთა ნაწილი დოლებზე უკრავდა და სლოგანებს სკანდირებდა იმ ლტოლვილთა მხარდასაჭერად, ვინც ევროკავშირში თავშესაფარს ეძებს.

აქციის მონაწილეთა ნაწილმა კი გააპროტესტა მიგრაციის საკითხებში სახელწმიფო მდივნის, თეო ფრანკენის პოლიტიკა და მისი გადადგომა მოითხოვა.

ბანერების ძირითადი შინაარსი იყო, რომ „სოლიდარობა ყველასთვისაა“.

აქციის ორგანიზატორი იყო აქტივისტთა ჯგუფი „სამოქალაქო პლატფორმა ლტოლვილთა მხარდაჭერისთვის“.