მსოფლიო

ბრიტანელმა სამართალდამცველებმა სკრიპალების მოწამვლაში ეჭვმიტანილების იდენტიფიცირება მოახერხეს

ბრიტანულმა პოლიციამ და საგამოძიებო უწყებებმა მოახერხეს იმ პირების იდენტიფიცირება, ცინც ეჭვმიტანილია ყოფილი რუსი ორმაგი აგენტის, სერგეი სკრიპალისა და მისი ქალიშვილი იულიას მოწამვლაში. ამის შესახებ The Telegraph-ი წერს წყაროებზე დაყრდნობით.

კონტრტერორისტული სამმართველო ცდილობს, ააგოს საქმე ეჭვმიტანილების გარშემო, რომლებიც, სავარაუდოდ, რუსეთში დაბრუნდნენ.

გამოცემას განუცხადეს, რომ პირების იდენტიფიცირება მოხერხდა ბრიტანეთში და ბრიტანეთიდან ჩატარებული ავიარეისების მგზავრთა სიის ანალიზის მეშვეობით.

სერგეი სკრიპალი და მისი ქალიშვილი 4 მარტს მოწამლეს ბრიტანეთის ქალაქ სოლსბერიში. გარდა ამისა დაშავდა 20-მდე სამოქალაქო პირი და პოლიციელი. როგორც დადგინდა, სკრიპალის მოსაწამლად რუსეთში გამზადებული ნერვო-პარალეპტიკური გაზი სახელწოდებით ნოვიჩოკი გამოიყენეს.

მამა-შვილი გონზე მოვიდა, მოაგვიანებით იულია სკრიპალი საავადმყოფოდან გაწერეს და უსაფრთხო ადგილას გადაიყვანეს.

ბრიტანეთის კონტრტერორისტული პოლიციის დასკვნით, მამა-შვილი სახლის ზღურბლზე მოიწამლნენ, რადგან სკრიპალის სახლის შესასვლელი კარი ნერვო-პარალეპტიკური ნივთიერებით იყო გაჟღენთილი. ნივთიერების ყველაზე მაღალი კონცენტრაცია სწორედ შესასვლელ კართან დაფიქსირდა.

მომხდარში ლონდონი რუსეთს ადანაშაულებს, რის გამოც ლონდონმა მოსკოვთან ყველა დონის ურთიერთობები გაწყვიტა. ბრიტანეთმა და დასავლეთის სხვა ქვეყნებმა მომხდარის გამო 100-ზე მეტი რუსი დიპლომატი გააძევეს. ამ ქვეყნებს საქართველოც შეუერთდა.