მსოფლიო

ბრაზილიის ციხეში ნაპოვნია 33 გარდაცვლილი პატიმარი

ჩრდილოეთ ბრაზილიის ციხეში სულ მცირე 33 პატიმარი მკვდარი იპოვეს.

ამის შესახებ ინფორმაციას რორაიმას შტატის ხელისუფლება ავრცელებს.

შტატის„იუსტიციისა და სამოქალაქო საკითხების სამინისტრო იუწყება, რომ დღეს დილით, 6 იანვარს „მონტე კრისტოს პენიტენციურ აგრარულ დაწესებულებაში“ 33 მკვდარი პატიმარი აღირიცხა. სიტუაცია კონტროლის ქვეშ არის. სპეციალური ოპერაციების ბატალიონი აღნიშნული ციხის ტერიტორიაზე იმყოფება“, - ნათქვამია გავრცელებულ განცხადებაში.

მომხდარის მიზეზებზე ინფორმაცია არ ვრცელდება.

აღსანიშნავია, რომ გასულ კვირას ბრაზილიის ქალაქ მანაუსის ციხეში მომხდარი ამბოხის შედეგად 56 პატიმარი დაიღუპა.

მონიკა დავლიანიძე