კომენტარი

ბოდიშს მოვიხდი და დამთავრდება ეს ყველაფერი - გიორგი ანდრიაძე

საპატრიარქოს უნივერსიტეტის სამეთვალყურეო საბჭოს თავმჯდომარე გიორგი ანდრიაძე არ დაასახელებს იმ პირის ვინაობას, რომელსაც, სავარაუდოდ, საქართველოს მოქალაქეობა მიენიჭა და რომელიც მისი თქმით, ანტისახელმწიფოებრივ საქმიანობას ეწევა.

ამის შესახებ ანდრიაძემ „ტვ პირველის“ ეთერში განაცხადა.

„მაინტერესებს მიენიჭა თუ არა ამ პირს სააქართველოს მოქალაქეობა. მაგრამ მის გვარს არ დავასახელებ, რადგან რომ არ იყოს ეს ადამიანი იმ პირთა სიაში ვისაც მიენიჭა საქართველოს მოქალაქეობა ცალკე პრობლემა შეიქმნება. ეს ადამიანი იტყვის რას მერჩოდი, რას მასახელებდიო. და თუ არ დავასახელებ და აღმოჩნდება, რომ მისთვის არ არის მინიჭებული მოქალაქეობა- ბოდიშს მოვიხდი და დამთავრდება ეს ყველაფერი.
მე იურისტი ვარ და ვიცი, რომ რაც დაზუსტებით არ იცი და ხელში არ გაქვს ინფორმაცია არ უნდა ილაპარაკო. ვამბობ ძალიან მარტივ რამეს - ვის მიენიჭა მოქალაქეობა? საერთოდ არ უნდა ვიცოდეთ? ეს ინფორმაცია საჯარო უნდა იყოს, ყველამ უნდა ვიცოდეთ ვის მიენიჭა საქართველოს მოქალაქეობა“,-აღნიშნა გიორგი ანდრიაძემ.

გიორგი ანდრიაძემ საქართველოს პრეზიდენტს ღია წერილით მიმართა, რომელშიც საუბრობს, რომ საქართველოს მოქალაქეობა მიენიჭა ისეთ პირს, რომელიც „საქართველოს ერთიანობის ღია და აშკარა მტერია, რომელიც დღემდე აცხადებს, რომ ლაზი და მეგრელი, იდენტობით ქართველი არ არის და ამით ხელს უწყობს ჩვენი სახელმწიფოსა და ქართველი ერის დაშლასა და ურთიერთდაპირისპირებას“.

მონიკა დავლიანიძე