მსოფლიო

ბლუმბერგმა მსოფლიოში 10 ყველაზე „უბედური“ ეკონომიკა გამოავლინა

გამოცემა ბლუმბერგმა მსოფლიოს 10 ყველაზე „უბედური“ ეკონომიკა დაასახელა. ზედიზედ მეოთხე წელია პირველ ადგილს ვენესუელა იკავებს.

აღნიშნული რეიტინგი ყალიბდება მომავალ წელზე გათვლილი ინფლაციისა და უმუშევრობის მაჩვენებლების მიხედვით. ასევე ინდექსი დგინდება იმ ძველი წარმოდგენის შესაბამისად, რომ დაბალი ინფლაცია და უმუშევრობა აჩვენებს, რამდენად კარგად ცხოვრობენ ამა თუ იმ ეკონომიკის რეზიდენტები. თუმცა გამოცემა აღნიშნავს, რომ დაბალი ფასები შესაძლოა, დაბალი მოთხოვნის ნიშანი იყოს, ხოლო დაბალი უმუშევრობა კი ხელს უშლიდეს მომუშავეებს, რომლებსაც უკეთესად დასაქმებას ცდილობენ.

ვენესუელის ეკონომიკის „უბედურების“ ინდექსი 1872 პროცენტულ პუნქტს შეადგენს. 2017 წელთან შედარებით ქვეყანასი სიტუაცია დაახლოებით სამჯერ გაუარესდა.

ინდექსში მეორე ადგილი სამხრეთ აფრიკამ დაიკავა (1833,1), მას მოჰყვებიან არგენტინა (1827,1) და ეგვიპტე (1826,4). მეხუთე და მეექვსე ადგილებს იყოფენ საბერძნეთი და თურქეთი ( თითოს 1820,6 პუნქი აქვს), მეშვიდეზეა უკრაინა (1817,8 პუნქტით), მერვეზეა ესპანეთი (1817,3), მეცხრეზეა ბრაზილია (1815,8), ხოლო ათეულს ხურავს საუდის არაბეთი (1815,4).

ყველაზე ნაკლებად უბედური ეკონომიკის სტატუსი მოიპოვა ტაილანდმა, მას მოჰყვება სინგაპური.

ბლუმბერგმა აღნიშნა, რომ ზრდის საუკეთესო დინამიკა გამოავლინა მექსიკამ, რომელიც 16 ნიშნულით მიუახლოვდა ნაკლებად უბედური ეკონომიკის სტატუსს. რუმინეთმა კი პირიქით, თავისი მაჩვენებელი 16 ნიშნულით გააუარესა და რეიტინგში 34-ე ადგილს იკავებს 66 ქვეყნიდან.

რაც შეეხება ზოგად პროგნოზს, ეკონომისტები 2018 წელს მსოფლიო ეკონომიკის 3.7%-იან ზრდას ვარაუდობენ.