კომენტარი

ბიუჯეტში გათვალისწინებულია გადასახადების ამოღების ზრდა, რაც მცირე და საშუალო ბინზეს მძიმე მდგომარეობაში ჩააგდებს- დავით ბაქრაძე

„ევროპული საქართველოს“ ერთ-ერთი ლიდერის, დავით ბაქრაძის შეფასებით, 2018 წლის სახელმწიფო ბიუჯეტის მიხედვით, მომავალ წელს გადასახადების ამოღების ზრდა არის გათვალისწინებული.

ბაქრაძის თქმით, ეს ნიშნავს, იმას რომ მცირე და საშუალო ბიზნესი უფრო მძიმე მდგომარეობაში აღმოჩნდება.

„ნაცვლად იმისა, რომ მთავრობამ შეამციროს გადასახადები, პირიქით, გათვალისწინებულია, გადასახადების ამოღების გაზრდა, რაც ნიშნავს იმას, რომ მცირე და საშუალო ბიზნესი, გაისად, იქნება კიდევ უფრო მძიმე დღეში.

ნაცვლად იმისა, რომ მთავრობამ გადადგას რეალური ნაბიჯები ლარის კურსის სტაბილურობის და გამყარებისთვის, ჩვენ ვნახეთ, რომ აგრძელებს იგივე დედოლარიზაციის პროგრამას.

გაისად, არც ერთი თეთრი არ არის გამოყოფილი პენსიების ზრდისთვის.

ბუნებრივია, რომ „ევროპული საქართველო“ ამ რეალობას მხარს ვერ და არ დაუჭერს“,-აღნიშნა ბაქრაძემ.

მონიკა დავლიანიძე