კომენტარი

ბიუჯეტი 47 მილიონით არის შემცირებული, მაშინ როდესაც ფაქტიურად ლარი გაუფასურდა - ზაზა ვეკუა

თბილისის საკრებულოს ფრაქცია „დედაქალაქის“ თავმდჯომარის ზაზა ვეკუას განცხადებით, ფრაქციის მიერ დედაქალაქის ბიუჯეტთან დაკავშირებით მერიაში გაგზავნილი შენიშვნები, „ფაქტიურად არ არის გაზიარებული“.

როგორც ვეკუამ 2017 წლის თბილისის ბიუჯეტზე საუბრისას მედიას განუცხადა, იგი ზოგადად, ვერ ხედავს, რომ დედაქალაქის მერიას რაიმე ხედვა ჰქონდეს თუ როგორც განავითაროს ეკონომიკა, შექმნას სამუშაო ადგილები.

„ეს ხედვა არც ადრე ჰქონია, მაგრამ არც პერსპექტივაში ჩანს. ეს ძალიან სამწუხაროა. ბიუჯეტი 47 მილიონით არის შემცირებული, მაშინ როდესაც ფაქტიურად ლარი გაუფასურდა. გარდა ამისა, ვერ ვხედავთ იმ სატრანსპორტო ინფრასტრუქტურას, რომელსაც გვპირდებოდნენ, ახალი ავტობუსების შეძენასაც. სოციალურთან დაკავშირებითაც გვაქვს ასევე შეკითხვები“,-აღნიშნა საკრებულოს დეპუტატმა.

მონიკა დავლიანიძე