მსოფლიო

ბირთვული ომი ნებისმიერ მომენტში შეიძლება დაიწყოს - დიპლომატი

გაეროში ჩრდილოეთ კორეის მუდმივი წარმომადგენლის მოადგილის, ინ რიონის განცხადებით, ბირთვული ომი ნებისმიერ მომენტში შეიძლება დაიწყოს.

ამის შესახებ დიპლომატმა გაეროს გენერალური ასამბლეის 1-ლი კომიტეტის სხდომაზე განაცხადა,- წერს Associated Press.

ჩრდილოეთ კორეაში მიიჩნევენ, რომ მათი ქვეყანა ამერიკის მხრიდან ექსტრემალური და პირდაპირი ბირთვული საშიშროების სამიზნეშია მოქცეული.

„კორეის ნახევარკუნძულზე ვითარება ისეთ კრიტიკულ ნიშნულს მიუახლოვდა, რომ რეგიონში ბირთვული ომი ნებისმიერ მომენტში შეიძლება დაიწყოს“,-განაცხადა დიპლომატმა.

მისი თქმით, „მსოფლიოში არც ერთი ქვეყანა არ მოქცეულა ამერიკის მხრიდან ექსტრამალური და პირდაპირი საშიშროების სამიზნედ. ამ შემთხვევაში კი, ფხენიანს თავდაცვის სრული უფლება აქვს“.

მონიკა დავლიანიძე