კომენტარი

ბიძინა ივანიშვილმა არ გამწირა, მხარი დამიჭირა და ერთ პოზიციაზე ვიდექით - გიორგი მარგველაშვილი

ერთადერთი ადამიანი, ვინც მაშინ პოლიტიკურად გვერდზე დამიდგა და მხარი დამიჭრა, იყო ივანიშვილი, - განაცხადა საქართველოს პრეზიდენტმა გიორგი მარგველაშვილმა მისი განათლების მინისტრობის პერიოდში კახა ბენდუქიძის უნივერსიტეტისთვის აკრედიტაციის შეჩერების თემის კომენტირებისას.

„პირველად წავაგე ეს თემა ნამდვილად. ერთადერთი ადამიანი, ვინც მაშინ პოლიტიკურად გვერდზე დამიდგა და მხარი დამიჭრა, იყო ივანიშვილი. ბიძინა ივანიშვილმა არ გამწირა, მხარი დამიჭირა და ერთ პოზიციაზე ვიდექით, რომ თუ არის დარღვევა, არ აქვს მნიშვნელობა, რომელი ძლიერი პოლიტიკოსის მფარველობის ქვეშაა, თუ არის დარღვევა, მნიშვნელობა არ აქვს, რომელი ძლიერი მედია უმაგრებს ზურგს და შენ პიარულად რამდენად სუსტად ჩანხარ.

პიარში წავაგე ერთმნიშვნელოვად. მაგრამ დღესაც, თუ არის დარღვევა, წავიდოდი იმაზე კი არა, რომ თვალი დავხუჭო და ნუ გადავიკიდებთ.

საელჩოების მთელი რიგი იდგა ჩემთან და იყო ელჩებთან შეხვედრები.

წავაგე პიარულად, მაგრამ ბოლოს მაინც ხომ გამოვასწორებინე და სტუდენტებთან კონტრატქი, რომელიც მაშინ კაბალური იყო, გამოსწორდა“, - განაცხადა მარგველაშვილმა „ტვ პირველის“ გადაცემაში ,,რეაქცია“ სტუმრობისას.

ცნობისთვის, 2013 წელს განათლების ხარისხის განვითარების ეროვნული ცენტრის ავტორიზაციის საბჭოს გადაწყვეტილებით, აგრარულ უნივერსიტეტს ავტორიზაცია შეუჩერდა.

ნინო ექვთიმიშვილი