კომენტარი

ბიძინა ივანიშვილი სასწრაფოდ ფსიქიატრთან არის მისაყვანი - გუბაზ სანიკიძე

გუბაზ სანიკიძემ “მეტრნომთან” საუბრისას პარტია “ქართული ოცნების” თავმჯდომარის “იმედზე” გასული ინტერვიუ შეაფასა და განაცხადა, რომ ბიძინა ივანიშვილი ხელისუფლებას სასწრაფოდ ჩამოსაშორებელია.

“მე მგონი, ჩვენ საქმე ფსიქიკურ აშლილობასთან გვაქვს საქმე. აქ უკვე პოლიტიკური ანალიზები და შეფასებები აღარ არის საჭირო. ბიძინა ივანიშვილი სასწრაფოდ ფსიქიატრთან არის მისაყვანი, ყოველგვარი სარკაზმის გარეშე ვამბობ. სახიფათოა ივანიშვილი ქვეყნისთვის. კაცი მთელ სამყაროს ებრძვის, ჭკუაზე აღარ არის. სერიალებზე რეაგირებს და ხომ ვიცით რომელ სერიალზეც რეაგირებს – ჩემი ცოლის დაქალებზე. იქ ბაქარ ორჯონიკიძეში ხედავს თავის თავს, თითონ აკეთებს ტოლობის ნიშანს და გადაწყვიტა, რომ ფილმები გიორგი სააკაძეზე გადაიღოს, სადაც, ალბათ, თვითონ იქნება. 301-ე არაგველი იქნება.

ეს კაცი ხელისუფლებასა და ნებისმიერ სოციალურ აქტივობას უნდა ჩამოვაშროთ. თუ არ იზამს, უნდა ვაიძულოთ. გუშინ დაფიქსირდა, რომ პირუტყვულად ეშინია აქციების. ყველა თავის ფობია გამოავლინა. როგორც ჩანს, ქუჩის აქციები მოგვიწევს, რადგან ივანიშვილი არჩევნებით ხელისუფლებიდან წამსვლელი არ არის”, – განაცხადა სანიკიძემ.