კომენტარი

ბატონო პრემიერო, სამარცხვინო განცხადებებს აკეთებთ- არჩილ გამზარდია

„საზოგადოებრივი კომუნიკაციების კვლევისა და განვითარების ცენტრის“ დირექტორი, არჩილ გამზარდია პრემიერ-მინისტრ გიორგი კვირიკაშვილის მიერ დღეს გაკეთებულ განცხადებას ეხმიანება.

“გიორგი კვირიკაშვილი საზოგადოებრივ მაუწყებელზე - ვერ შევეგუებით, რომ მივიღოთ პროდუქტი, რომელიც არ იქნება თანამედროვე და საინტერესო.

სირცხვილია პრემიერისგან ასეთი ჩარევა. მესმის, რომ პრემიერი კვირიკაშვილი ვასილ მაღლაფერიძესთან ერთად ადგენდა "ქართული ოცნების" საარჩევნო სიას, მაგრამ როგორც პრემიერი, იქნებ მეტად მორიდებულ განცხადებებს აკეთებდეს მედიასთან მიმართებაში და პრაქტიკულად პირდაპირ არ უნდა აცხადებდეს, რომ ჯიბეში უნდა ჩაისვას ხელისუფლებამ საზოგადოებრივი მაუწყებელი.

მეორე, სირცხვილია, მაგრამ, იქნებ, ბატონ პრემიერს ხანდახან მაინც მოესმინა საზოგადოებრივი რადიოს გადაცემები და ენახა საზოგადოებრივი მაუწყებლის არაერთი გადაცემა, ასე, რომ აზრზე არ არის და სრულიად არაკომპეტენტურ განცხადებებს აკეთებს.

კიდევ ერთხელ გიმეორებთ, ბატონო პრემიერო, სამარცხვინო განცხადებებს აკეთებთ, აქ უკვე არც თამადობა გშველით და არც რაიკომის მდივნებისთვის დამახასიათებელი ფსევდოაკადემიურობა’’, - წერს არჩილ გამზარდია ფეისბუქის პირად გვერდზე.

ნინო ექვთიმიშვილი