კომენტარი

ბატონო ოქუაშვილი გადაიხდის ბოლო ლარს ბიუჯეტში, რაც ეკუთვნის - გიორგი გახარია

შეხვედრას, რომელზეც ზაზა ოქუაშვილის ინფორმაციით, მას ივანიშვილმა 4 მილიონი მოსთხოვა და რომელსაც ესწრებოდა გიორგი გახარია , ეს უკანასკნელი დღეს უკვე ვერ უარყოფს.

შს მინისტრი, რომელიც ოქუაშვილის მიერ ნახსენები შეხევდრის დროს ბიზნესომბუდსმენის პოზიციას იკავებდა, ამბობს, რომ მსგავსი შეხვედრა ნამდვილად შედგა.

რაც შეეხება შეხვედრის შინაარსს , გახარია ამ შეხვედრის შინაარსს არ ადასტურებს და ამბობს, რომ არასერიოზულად აფასებს ოქუაშვილის ინტერვიუს ამ ნაწილს.

მინისტრის თქმით, იმ პერიოდში ბიზნესომბუდსმენი იყო და ამ შეხვედრის მიზანს ადგილობრივი წარმოების მხარდაჭერა წარმოადგენდა.

,,შეხვედრა შედგა. რა თქმა უნდა, მე მაშინ ვიყავი ბიზნესომბუდსმენი და როგორც ჩანს, ვიყავი ძალზედ ძლევამოსილი ბიზნესომბუდსმენი და რა თქმა უნდა, ამ შეხვედრის ძირითადი მიზანი იყო ადგილობრივი წარმოების მხარდაჭერა და იმ გაუბედურებული კომპანიის მხარდაჭერა, რომელმაც როგორც ჩანს, ამ პერიოდში ჩვენდა სამწუხაროდ, დააგროვა ამხელა ვალი ბიუჯეტის წინაშე.

კიდევ ერთხელ ხაზგასმით ვიტყვი, რომ ჩემს ყველა ვალდებულაზე გავცემ პასუხს ყველგან - ლონდონშიც, თბილისშიც და ბომბეიშიც.

ბატონი ოქუაშვილი გადაიხდის ბოლო ლარს ბიუჯეტში, რაც ეკუთვნის“, - განუცხადა ჟურნალისტებს გახარიამ.

ნინო ექვთიმიშვილი