მსოფლიო

ბაშარ ასადს ქიმური იარაღი ჯერ კიდევ აქვს - ჯეიმს მეტისი

ამერიკის თავდაცვის მდივნის ჯეიმს მეტისის განცხადებით, სირიის პრეზიდენტის ბაშარ ალ ასადის რეჟიმი ქიმიურ იარაღს ჯერ კიდევ ფლობს.

ამის შესახებ მეტისმა, ისრაელის თავდაცვის მინისტრ ავიგდორ ლიბერმანთან შეხვედრის შემდეგ ერთობლივ პრესკონფერენციაზე განაცხადა, წერს ისრაელის მედია.

ორი ქვეყნის თავდაცვის უწყების ხელმძღვანელმა აღნიშნა, რომ შეხვედრაზე საუბარი სირიას და განსაკუთრებით, ქიმიურ იარაღს შეეხო.

მეტისის თქმით, ირანთან ბირთვული შეთანხმების პირობები, თეგერანის მიერ ჯერჯერობით სრულდება. თუმცა, მისი თქმით, შეთანხმების არსებობა არ ნიშნავს იმას, რომ ირანელებმა ტერორისტულ საქმიანობას უნდა შეუწყონ ხელი და ბაშარ ასადის რეჟიმის დაფინანსებით დაკავდნენ.

„ასადის რეჟიმი ქიმიურ იარაღს ჯერ კიდევ ფლობს, თუმცა ვურჩევ ის აღარ გამოიყენოს. ეს საერთაშორისო თანამეგობრობასთან დადებული ხელშეკრულების დარღვევა იქნება, რომელსაც შედეგი მოჰყვება“,-ააღნიშნა ჯეიმს მეტისმა.

მონიკა დავლიანიძე