კომენტარი

ბარიერის დაწევა პარლამენტში პოლიტიკურ დაქსაქსულობას გამოიწვევს - თეა წულუკიანი

მიმაჩნია, რომ ბარიერის დაწევა პარლამენტში პოლიტიკურ დაქსაქსულობას გამოიწვევს, მაგრამ ასეთია დემოკრატიული პროცესი, - აცხადებს საქართველოს იუსტიციის მინისტრი, თეა წულუკიანი და აღნიშნულით საარჩევნო ბარიერის 5%-დან 3%-მდე შესაძლო დაწევას ეხმიანება.

მისი თქმით, მთავრობა უნდა დაეყრდნოს ვენეციის კომისიის დასკვნებს და გაიზიაროს შენიშვნები.

„ჩვენ მზად ვართ ყველანი, რომ მოვისმინოთ ერთმანეთის კრიტიკა, მათ შორის ოპონენტების იქნება ეს, არასამთავრობო სექტორის თუ ოპოზიციის. მოვისმინოთ კრიტიკა პრეზიდენტისგან, მაგრამ ჩვენი მთავარი გზავნილია, დავეყრდნოთ ვენეციის კომისიის დასკვნებს და შენიშვნებს, რომლებსაც ქვეყნის უკეთესი დემოკრატიისთვის მისაღებად მივიჩნევთ. ის, რომ მაგალითად 5%-იანი ბარიერი დაიწევს, როგორც ჩანს, ამის მისაღებად მმართველი გუნდი მზად არის. მიმაჩნია, რომ ეს გამოიწვევს პარლამენტში ალბათ პოლიტიკურ დაქსაქსულობას, მაგრამ ასეთია დემოკრატიული პროცესი“, - განაცხადა წულუკიანმა.

ნინო ექვთიმიშვილი