მსოფლიო

ბარაკ ობამა პოლიტიკაში ბრუნდება

აშშ-ის ყოფილი პრეზიდენტი ბარაკ ობამა დიდ პოლიტიკაში ბრუნდება, რათა დაეხმაროს დემოკრატიულ პარტიას 2016 წლის საპრეზიდენტო არჩევნებში დაკარგული პოზიციების აღსადგენად. თუმცა, მისი ეს ნაბიჯი იმავდროულად დემოკრატიული პარტიისთვის რისკების შემცველია, - წერს Washington Examiner-ი.

გამოცემის ცმობით, უახლოეს კვირებში ობამას თანაშემწეები დაიწყებენ სტრატეგიის შემუშავებას, რომელიც თეთრი სახლის ყოფილ ხელმძღვანელს დაეხმარება ითამაშოს უფრო მნიშვნელოვანი როლი შიდაპარტიულ პოლიტიკაში, განსაკუთრებით, შემოწირულობების შეგროვების საქმეში.

თუმცა, ეს სტრატეგია, იმავდროულად დემოკრატიული პარტიისთვის რისკების შემცველია, რადგან თუ ობამა პარტიის ცხოვრებაში აქტიურად ჩაებმება, ეს ტრამპს მისცემს საშუალებას დემოკრატების კრიტიკისას იერიშის სამიზნედ სწორედ ის აქციოს.

ის ვერ ითამაშებს პარტიის "ფლაგმანის" როლსაც, რადგან ვერ მიიღებს მონაწილეობას 2020 და 2024 წლების საპრეზიდენტო არჩევნებში. ანუ დემოკრატებს სხვა ლოკომოტივის მოძებნა მოუწევთ, რომელიც უახლოესი 8 წლის განმავლობაში პარტიას განასახიერებს.

თუმცა, ობამას გავლენა და გამოცდილება პარტიისთვის თანხების მოგროვებაში და წინასაარჩევნო კამპანიების წარმოებაში დემოკრატებს ძალიან გამოადგებათ. გამოცემის ცნობით, ბოლო არჩევნებში რესპუბლიკელებმა საგრძნობლად გაუსწრეს დემოკრატებს შეაგროვეს რა 13,5 მილიონი დოლარი, როდესაც მათმა ოპონენტებმა მხოლოდ - 5,5 მილიონი.