კომენტარი

ბანკებს, რომლებსაც ვეუბნებით, რომ მომავალში შენი შემოსავლები იქნება ლარში, რა თქმა უნდა, შეიძლება დაიწყონ დოლარის მომარაგება- გიგი პაპავა

ეკონომისტ გიგი პაპავას განცხადებით, ლარის კურსის დადგენის მეთოდები უცნობია, შესაბამისად, რთულია იმის თქმა, თუ რა გახდა გუშინ ლარის ისტორიულ მაქსიმუმამდე დაცემის მიზეზი.

როგორც პაპავამ საკითხის კომენტირებისას მედიას განუცხადა, ამის მიზეზი, სავარაუდოდ, გახდა მთავრობის მიერ წარდგენილი ე.წ ლარიზაციის გეგმა, რომელმაც გავლენა ბანკების ქმედებაზე იქონია.

„ბანკებს, რომლებსაც ჩვენ ვეუბნებით, რომ მომავალში შენი შემოსავლები დოლარის ნაცვლად იქნება ლარში, რა თქმა უნდა, შეიძლება დაიწყონ თადარიგის დაჭერა და დოლარის მომარაგება იმისათვის, რომ ის ვალდებულებები, რომელიც მას აქვს დოლარში გაისტუმროს, მიუხედავად იმისა, რომ ლარში ექნება შემოსავალი. ამას გარდა, ის კომპანიები რომლებიც იმპორტით არიან დაკავებული, როდესაც ეუბნები, რომ აქციზი ავტომობილზე, ნავთობროდუქტზე ძვირდება, ისინი შეეცდებიან სავარაუდოდ, შექმნან მარაგები, რომ სანამ აქციზი იაფია რეალურად გამოიყენონ იაფი აქციზი“,-აღნიშნა ექსპერტმა.

მონიკა დავლიანიძე