მსოფლიო

აზერბაიჯანში რიგგარეშე საპრეზიდენტო არჩევნები მიმდინარეობს

დღეს აზერბაიჯანში რიგგარეშე საპრეზიდენტო არჩევნები მიმდინარეობს. 5.641 საარჩევნო უბანი 125 საარჩევნო ოლქში ქვეყნის მასშტაბით დილის 8 საათზე გაიხსნა, კიდევ 41 საარჩევნო უბანი კი საზღვარგარეთ გაიხსნება. 5 მილიონზე მეტი მოქალაქე აირჩევს ქვეყნის პირველ პირს.

საპრეზიდენტო არჩევნებში 8 კანდიდატია დარეგისტრირებული: მოქმედი პრეზიდენტი და მმართველი პარტია „ენი აზერბაიჯანის“ ლიდერი ილჰამ ალიევი, აზერბაიჯანის ერთიანი ეროვნული ფრონტის წარმომადგენელი გუდრეტ გასანგულიევი, არაზ ალიზადე აზერბაიჯანის სოციალ-დემოკრატიული პარტიიდან, ფარაჯ გულიევი „ეროვნული აღორძინების მოძრაობიდან“, რაზი ნურულაევი „ფრონტისტების საინიციატივო ჯგუფიდან“, ჰაფიზ გაჯიევი „თანამედროვე მუსავათიდან“, დამოუკიდებელი კანდიდატი ზაჰიდ ორუჯი და სარდარ მამედოვი (ჯალაოღლუ) აზერბაიჯანის დემოკრატიული პარტიიდან.

საკონსტიტუციო ცვლილებების თანახმად, ახალ პრეზიდენტს 7 წლის ვადით აირჩევენ.