მსოფლიო

აზერბაიჯანის პრეზიდენტი ილჰამ ალიევი არ გამორიცხავს, რომ სომხეთის მეთაურ სერჟ სარგსიანს შეხვდება

აზერბაიჯანის პრეზიდენტი, ილჰამ ალიევი არ გამორიცხავს მთიანი ყარაბაღის საკითხზე სომხეთის პრეზიდენტთან, სერჟ სარგსიანთან შეხვედრის შესაძლებლობას. ამის შესახებ აზერბაიჯანის მეთაურმა ეუთოს პოლიტიკისა და უშიშროების კომიტეტის დელეგაციასთან შეხვედრისას განაცხადა.

ალიავემა აღნიშნა, რომ მოლაპარაკებების განახლების საკითხი ეუთოს მინსკის ჯგუფის თანათავმჯდომარე ქვეყნების ელჩებთან შეხვედრის შემდეგ გადაწყდება.

„ვფიქრობთ, სომხეთი უბრუნდება მოლაპარაკებების პროცესს, რაც საკმაოდ მნიშვნელოვანი საკითხია. მათი პოლიტიკა, რომელიც მიმართულია მოლაპარაკებების ბოიკოტირებისკენ, იყო, ჯერ ერთი, სულელური, მეორე კი არაეფექტური. როგორც ჩემთვისაა ცნობილი, სომხეთის ხელმძღვანელობამ სხვადასხვა წყაროსგან მიიღო გზავნილები, მათ შორის ევროპიდან, რომ ის ვერ გააგრძელებს ასე მოქცევას. ტერიტორიის ოკუპაციასთან ერთად, მათ მოსახლეობის ეთნიკური წმენდა განახორციელეს და დააქციეს ოკუპირებული ტერიტორიები. ამის შემდეგ ისინი აყენებენ პირობებს მოლაპარაკებების გასაახლებლად. გარდა ამისა დღეს, მე ვფიქრობ, რომ მოლაპარაკებების ფორმატი უნდა განახლდეს, რამდენიმე დღეში მე ვხდები ეუთოს მინსკის ჯგუფში თანათავმჯდომარე ქვეყნების ელჩებს და ჩვენ ვიმსჯელებთ შემდგომ მოლაპარაკებებზე, ასევე პრეზიდენტების დონეზე სავარაუდო შეხვედრაზე“, -განაცხადა ალიევმა.

ანა მებურიშვილი