მსოფლიო

აშშ-ში შექმნილი დაძაბულობა შეიძლება უარყოფითად იმოქმედოს დანარჩენ მსოფლიოზე - ფედერიკა მოგერინი

ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ გერმანული Die Welt-ისთვის მიცემულ ინტერვიუში განაცხადა, რომ ამერიკამ „სტაბილურობა“ დაკარგა.

„არასოდეს მინახავს აშშ ასე პოლარიზებული, გაყოფილი და კონფლიქტებით დატვირთული როგორც ახლა არის“, - თქვა მოგერინიმ.

მოგერინიმ აღნიშნა, რომ მსოფლიოში „უდიდესი დემოკრატიის“ მქონე ქვეყანაში შექმნილი დაძაბულობა უარყოფითად აისახება დანარჩენ მსოფლიოზე.

„როდესაც მსოფლიოს უდიდესი დემოკრატია ასეთ განსაცდელშია, ეს შეიძლება დესტაბილიზაციის ფაქტორი გახდეს მთელი მსოფლიოსთვის“,- განაცხადა მოგერინიმ Die Welt-თან.

ფედერიკა მოგერინი გასულ კვირას ვიზიტით ეწვია აშშ-ს და შეხვდა აშშ-ის სახელმწიფო მდივანს რექს ტილერსონს, ტრამპის მრჩეველს ჯარედ კუშნერსა და ამერიკის პრეზიდენტის ყოფილ მრჩეველს ნაციონალური უსაფრთხოების საკითხებში მაიკლ ფლინს, რომელმაც გუშინ გადადგა თანამდებობიდან მას შემდეგ, რაც დადასტურდება მისი კონტაქტი კრემლთან ტრამპის საარჩევნო კამპანიის დროს.

ანა მებურიშვილი