მსოფლიო

აშშ-ს სახელმწიფო დეპარტამენტი მოქალაქეებს ევროპაში შესაძლო ტერაქტების საშიშროების შესახებ აფრთხილებს.

აშშ-ს სახელმწიფო დეპარტამენტი მოქალაქეებს ევროპაში შესაძლო ტერაქტების საშიშროების შესახებ აფრთხილებს.

უწყებამ ტურისტებისთვის შესაბამისი განცხადება გაავრცელა.

„სახელმწიფო დეპარტამენტი აფრთხილებს აშშ-ს მოქალაქეებს, ევროპაში ტერაქტების მუდმივი საშიშროების შესახებ. აღნიშნული გაფრთხილება 2017 წლის 30 ნოემბრამდე მოქმედებს. საფრანგეთში, რუსეთში, შვედეთში, ბრიტანეთში, ესპანეთსა და ფინეთში მომხდარი ტერაქტები ცხადყოფს, რომ „ისლამური სახელმწიფო“, „ალ ქაედა“ და მათთან კავშირში მყოფი სტრუქტურები შესაძლოა ევროპაში კიდევ გეგმავენ ტერაქტებს“,-ნათქვამია დოკუმენტში.

უწყების განცხადებაში აღნიშნულია, რომ ტერორისტების სამიზნე შეიძლება იყოს ისეთი ადგილები, რომლებიც ტურისტებში პოპულარობით სარგებლობს, ტრანსპორტი, ბაზრობები, სავაჭრო ცენტრები და მუნიციპალური ხელისუფლების შენობები, ასევე სასტუმროები, გასართობი კლუბები, რესტორნები, პარკები და სასწავლო დაწესებულებები.

ამერიკელი დიპლომატები აღნიშნავენ, რომ ტერორისტები თავდასხმის დროს გამოიყენებენ „ცეცხლსასროლ იარაღს, ყუმბარას, სატრანსპორტო საშუალებებს, ასევე ცივ იარაღს, რომლის შემჩნევა რთულია“.

მონიკა დავლიანიძე