მსოფლიო

აშშ მზადაა ჩრდილოეთ კორეასთან სალაპარაკოდ - მაიკ პენსი

აშშ-ის ვიცე-პრეზიდენტის, მაიკ პენსის თქმით, ჩრდილოეთ კორეის მზაობის შემთხვევაში ვაშინგტონი ფხენიანს დაელაპარაკება.

„მაქსიმალური ზეწოლის მოხდენის კამპანია გაგრძელდება და უფრო ინტენსიური იქნება. თუმცა, თუ სურთ ლაპარაკი, დაველაპარაკებით“, -თქვა პენსმა.

კითხვაზე, რა ნაბიჯები უნდა გადადგას ფხენიანმა სანქციების მოსახსნელად, პესნმა განაცხადა, რომ „არ ვიცი, ამიტომაა საჭირო მოლაპარაკებები“. მან აღნიშნა, რომ ზეწოლა არ შემცირდება, სანამ ჩრდილოეთ კორეა უარს არ იტყვის ბირთვულ და სარაკეტო პროგრამებზე.

სამხრეთ კორეაში, ზამთრის ოლიმპიური თამაშების გახსნის ცერემონიაზე პენსმა თავი შეიკავა ჩრდილოეთ კორეის დელეგაციის თავმჯდომარესთან შეხვედრისგან. ის არ მივიდა ჩრდილოეთ კორეის წარმომადგენელთან ხელის ჩამოსართმევად.

ოთხშაბათს პენსმა განაცხადა, რომ აშშ აპირებს, აამოქმედოს ყველაზე მკაცრი და აგრესიული სანქციები ფხენიანის წინააღმდეგ, რომელსაც შემოიღებენ ოლიმპიადის დასრულების შემდეგ.